Fréttir

Velkomin á opnun samsýningar Textílfélagsins laugardaginn 8. nóvember kl. 14:00-17:00. Léttar veitingar verða í boði Sýningin er samstarfsverkefni Textílfélagsins og Handverks og hönnunar. Þátttakendur eru 39 meðlimir Textílfélagsins. Sýningin verður opin fram til 29.nóvember. Pallborðsumræður verða haldnar 18.nóvember þar sem rætt verður um birtingarmynd handverks í hönnun og listum, nánar auglýst síðar.

30. september síðasliðin var dásamlegur viðburður fyrir sýninguna VITRUM í H,A,K,K Gallery. Það kom Edda framkvæmdastjóri sér fyrir sem spyrill í skemmtilegu samtali við Johanna Seeleman og Anders Vagne um verkin, samstarfið og heimspekilega sýn sköpunar í dag. 

HAKK er þverfaglegur vettvangur hönnunar sem er ætlað að skapa frjóan jarðveg fyrir handverk og smáframleiðslu. HAKK heldur nokkrar sýningar á ári þar sem hver og ein sýning hefur skýra stefnu, áherslu á efni, aðferð og hugmyndafræði Afgangsgler fær nýtt líf með töfrum hönnuða, handverksmenn og iðnfyrirtæki taka höndum saman um betri og snjallari nýtingu hráefnis á sýningunni Vitrum.

NORDIC TEXTILE TAKEOVER 13.09.24 – 14.09.24 Scandinavia House 58 Park Avenue New York, NY 10016 United States Scandinavia House, í samstarfi við New York Textile Month, kynnir með ánægju aðra útgáfu af NORDIC TEXTILE TAKEOVER, sýningu, dagskrá og vinnusmiðjur sem varpa ljósi á samtímatextíl frá Norðurlöndum. Í sýningarsal Scandinavia House verður haldin sýning ásamt listamannaspjöllum, leiðsögn sýningarstjóra, móttöku og verklegum vinnusmiðjum. Helgardagskráin mun einnig sýna verk nýútskrifaðra textíllistnema frá Textilhögskolan í Borås NORDIC TEXTILE TAKEOVER er norrænt samstarfsverkefni á sviði textíls, samstýrt af Ragna Froda (ÍSL/US), framkvæmdastjóra New York Textile Month, og Emily Stoddart (CA), verkefnastjóra sýninga og samfélagsdagskrár hjá Scandinavia House í New York.

Sýningin Handverk og hönnun í Ráðhúsi Reykjavíkur hefur á undanförnum tveimur áratugum orðið helsti vettvangur íslensks handverks og hönnunar. Þar kynna og selja listamenn og hönnuðir fjölbreyttar vörur – skartgripi, textíl, leður, keramik, tréskurð margt fleira. Fyrsta sýningin var haldin 26.–29. október 2006 og hefur hún árlega laðað til sín þúsundir gesta og hundruð sýnenda. Handverk og hönnun leggur áherslu á að sýnileiki handverks byggist bæði á sýningum sem vekja athygli og á viðburðum sem styðja markaðssetningu og dreifing. Stjórn Handverks og hönnunar hefur ákveðið að fresta árlegu sýningunni árið 2025 til að endurhanna hana með aukinni áherslu á faglega kynningu og markaðssetningu gæða handverks í samtíma Íslands. Þetta mat átti sér stoð í stefnumótuninni 2022, þar sem markmið Handverks og hönnunar eru að tryggja sýnileika handverks, efla gæði og tryggja fagmennsku. Með því að leggja vinnu í endurskipulagningu vonast Handverk og hönnun til að bjóða upp á enn sterkara, faglegra rými fyrir íslenskt handverk árið 2026 og þar eftir. Við bendum sýnendum og unnendum á eftirfarandi aðila sem staðið hafa að glæsilegum jólamörkuðum: https://www.facebook.com/heidmork https://www.facebook.com/saman.menningogupplifun https://www.facebook.com/hofudstodin https://www.facebook.com/ishushafnarfjardar Við vinnum nú hörðum höndum að sterkum stoðum sýningarhalds og kynningar á íslensku samtíma handverki. Ljósmynd: Sunna Ben - frá vorsýningu Leirlistafélags Íslands ,,Bergmál landsins"

Ljósmyndirnar eru faglegt handverk Sunnu Ben Sýningarstjóri: Búi Bjarmar

The Nordic Network of Crafts Associations (NNCA), sem sameinar sjö handverkssamtök á Norðurlöndum, þar á meðal HANDVERK OG HÖNNUN, leggur til að stofnuð verði sérstök handverksverðlaun Norðurlandaráðs. Markmiðið er að auka sýnileika norræns samtímahandverks, fagna menningarlegum og listrænum fjölbreytileika og varpa ljósi á framlag listamanna og handverksfólks til samfélagsins.

Verið hjartanlega velkomin á opnunarhóf vorsýningar Leirlistafélags Íslands BERGMÁL LANDSINS í rými Handverks og hönnunar á Eiðistorgi (við hliðina á vínbúðinni) laugardaginn 10. maí kl. 14-16. Sýningarstjóri er Búi Bjarmar Aðalsteinsson. Sýningin stendur til 1. júní og er opin fimmtudaga - sunnudaga frá 12-17.

Félag trérennismiða á Íslandi fagnar 30 ára afmæli á árinu og af því tilefni ætlar félagið að standa fyrir 30 daga viðburði í apríl. Meðlimir félagsins taka yfir húsnæði Handverks og hönnunar á Eiðistorgi og breyta því í alvöru rennismiða vinnustofu þar sem félagsmenn skiptast á að mæta og renna ýmsa gripi úr ólíkum viðartegundum

HAKK Gallery opnar samsýninguna Snaga á Skriðuklaustri þann 12. apríl kl 14.00. 30 hönnuðir, listamenn, handverksfólk og arkitektar sýna veggsnaga í sinni fjölbreyttustu mynd, efni og formi.