Fréttir

Síðustu dagar sýningarinnar RÆTUR standa nú yfir í sýningarrými Handverks og hönnunar á Eiðistorgi 15. Fríða S. Kristinsdóttir sýnir þrívíð verk úr textíl, vefnaði og blandaðri tækni. Loka dag sýningar, laugardaginn 5. október kl. 14.00, mun listamaðurinn vera með leiðsögn um sýninguna, allir velkomnir. Mótökur sýningarinnar hafa verið framúrskarandi og hvetjum við alla til láta ekki þessa sýningu framhjá sér fara. Opið er fimmtudag (3. okt), föstudag (4. okt) og laugardag (5. okt- loka dagur) frá kl 11-17

Kæru umsækjendur á Handverk og hönnun í Ráðhúsi Reykjavíkur 2024 Vegna framlengingu á umsóknarfresti til 20. sept munu svör við umsóknum seinka um eina viku til að tryggja faglega yfirerð og afgreiðslu umsókna. Búast má við svörum í næstu viku (6-12 okt). Við biðjumst velvirðingar á seinkuninni. Í kjölfar svarbréfa mun sýnendum vera boðið á kynningarfund fyrir sýninguna. Ef frekari spurningar koma upp varðandi ferlið má hafa beint samband við framkvæmdastóra Handverk og hönnun á netfangið edda@handverkoghonnun.is

,,Vefur, vefstaður, vefstóll, að vefa hefur verið mér hugleikið í nokkra áratugi. Ég er alin upp við mikilvægi handverks og hef búið til í höndunum frá unga aldri. Á þessari sýningu fer ég yfir farinn veg. Öll verkin eru unnin á árunum 1993 – 2005. Flest verkanna eru unnin með tvöföldum vefnaði, svokölluðum pokavef, en líka með blandaðri tækni. Verkin eru unnin úr hör, koparvír, tinhúðuðum vír, pappírsþræði, handgerðum pappír, kozo, fiskroði, gömlum sendibréfum og fleiri efnum. " - Fríða S. Kristinsdóttir

HANDVERK OG HÖNNUN í Ráðhúsi Reykjavíkur 2024 Umsóknarfrestur framlengdur til 20.september

Á þessu ári fagnar Textílfélagið 50 ára afmæli með veglegri sýningu á Hlöðuloftinu á Korpúlfsstöðum. Þátttakendur á sýningunni eru 57 sem er um helmingur félaga og sýnd verða yfir 100 verk.

Sýningin HANDVERK OG HÖNNUN í Ráðhúsi Reykjavíkur verður haldin 07.22.24 -11.11.24 og þá í 21 sinn en hún var fyrst haldin í Ráðhúsinu árið 2006. Gróskan er mikil í íslensku handverki, hönnun og listiðnaði og fjölbreytnin mikil. Sýningin hefur verið mjög vinsæl frá upphafi og dregið að sér þúsundir gesta.

Grasrótarhandverk 29. ágúst kl 18. Skráðu þig hér! Á þessum viðburði tökum við umræðu um þarfir einstaklinga fyrstu árin eftir útskrift og hvernig Handverk og Hönnun getur nýtt sína stöðu til þess að hjálpa þeim að þróa þeirra listsköpun og starfsferil.

Svipmyndir af listhandverki, heimsókn á Hjalteyri, prjónahátíð á Blönduósi og annarri dásemd.

Með samstarfi við fjölda íslenskra fyrirtækja og handverksfólks sýnir HN GALLERY fjölbreytt úrval af framúrskarandi hönnunarvörum þar sem lagt er áherslu á gæði, nýsköpun og gæða handverk. Okkar aðal markmið er að efla og stuðla að þróun íslenskrar hönnunar og koma henni áfram á nýjan og spennandi hátt. HN GALLERY tekur þátt í fyrsta skipti á Hönnunarmars 2024 með sýningunni SKÁL í samstarfi við HANDVERK OG HÖNNUN í glæsilegum sýningarsal þeirra á Eiðistorgi 15. Sýningin opnar 24.04.24 kl 18-20

Síðasta dag sýningarinnar VIÐUR Á VIKU í sýningarsal Handverk og hönnun Eiðistorgi mun Andri Snær Þorvaldsson leiða okkur í ferðalag um sýninguna og segja sögu valinna verka. Leiðsögnin hefst kl 17. Verið hjartanlega velkomin.