Handverk og hönnun í Ráðhúsi Reykjavíkur
Sýningin Handverk og hönnun í Ráðhúsi Reykjavíkur var haldin í fjórtánda sinn dagana 5. til 9. nóvember 2015. Sem fyrr var gróskan og fjölbreytnin mikil og meðal þess sem hægt var að skoða á sýningunni voru skartgripir, barnaföt, munir úr tré og horni og beini, leðurvörur, skór og fatnaður. Þátttakendur voru 60 talsins.
Skúlaverðlaunin 2015 voru afhent á fyrsta opnunardegi sýningarinnar. Verðlaunin hlaut Philippe Ricart fyrir handofin teppi úr Íslenskri ull. Teppin eru ofin með salunsvefnaði og vaðmálsáferð bæði fléttað vaðmál og víxlað vaðamál. Þetta eru einstaklega falleg og vönduð teppi og að öllu leyti handgerð.
Bæklingur:
Þátttakendur
Myndir frá sýningu
Skúlaverðlaun 2015
Philippe Ricart hlaut Skúlaverðlaunin 2015 á sýningunni Handverk og hönnun í Ráðhúsi Reykjavíkur.
Skúlaverðlaunin 2015 voru afhent á fyrsta opnunardegi sýningarinnar Handverk og hönnun í Ráðhúsi Reykjavíkur. Verðlaunin hlaut Philippe Ricart fyrir handofin teppi úr Íslenskri ull. Teppin eru ofin með salunsvefnaði og vaðmálsáferð bæði fléttað vaðmál og víxlað vaðamál. Þetta eru einstaklega falleg og vönduð teppi og að öllu leyti handgerð.
Philippe sem búsettur er á Akranesi, er einn af okkar fremstu listhandverksmönnum er mjög fjölhæfur og hefur starfað í mörg ár. Hann vinnur mest úr íslensku hráefni og mest í íslenska ull. Hann vinnur líka töluvert í íslenskan við, bæði lerki og birki. Philippe er fæddur í Frakklandi en hefur búið á Íslandi í áratugi.
Skúlaverðlaunin eru styrkt af Samtökum iðnaðarins og var það Almar Guðmundsson framkvæmdastjóri sem afhenti verðlaunin.
Sýningin Handverk og hönnun í Ráðhúsi Reykjavíkur var haldin dagana 5.-9. nóvember og voru þátttakendur 58 talsins. Þeir sem valdir voru til þátttöku í sýningunni nú í nóvember gátu tilkynnt til HANDVERKS OG HÖNNUNAR nýja vöru í verðlaunasamkeppni um besta nýja hlutinn. Skilyrðin voru að hlutirnir máttu hvorki hafa verið sýnis né sölu opinberlega fyrir sýninguna í Ráðhúsinu. tæplega tuttugu tillögur bárust og faglega valnefnd skipuðu Elín Bríta Sigvaldadóttir, vöruhönnuður og Helga Pálína Brynjólfsdóttir, textílhönnuður.
Verðlaunin eru kennd við Skúla Magnússon fógeta sem er frumkvöðull smáiðnaðar í Reykjavík.
Hér má sjá myndir frá afhendingu Skúlaverðlaunanna 2015
Hér má lesa viðtal við Philippe Ricart sem birtist í Vikunni þann 8. október 2015 (39. tbl. 77. árg.)
Fjölmiðlaumfjöllun
