Handverk og hönnun í Ráðhúsi Reykjavíkur
Sýningin Handverk og hönnun í Ráðhúsi Reykjavíkur var haldin dagana 6. til 10. nóv. 2014. Sem fyrr er gróskan og fjölbreytnin mikil og meðal þess sem hægt var að skoða á sýningunni í maí eru skartgripir, barnaföt, munir úr tré og horni og beini, leðurvörur, skór og fatnaður.
Þetta var í þrettánda sinn sem HANDVERK OG HÖNNUN stóð fyrir þessum viðburði en sýningin var haldin í fyrsta sinn árið 2006. Það er óhætt að segja að sýningunni hafi verið vel tekið frá upphafi og hefur aðsóknin alltaf verið mjög mikil. Þetta er einstakt tækifæri fyrir alla að kynna sér fjölbreytt íslenskt handverk, listiðnað og hönnun á einum stað. Það eru listamennirnir og hönnuðirnir sjálfir sem kynna vörur sínar á sýningunni.
Bæklingur:
Þátttakendur
Myndir frá sýningu
Skúlaverðlaun 2014
Lára Gunnarsdóttir hlaut Skúlaverðlaunin 2014 á sýningunni Handverk og hönnun í Ráðhúsi Reykjavíkur.
Skúlaverðlaunin 2014 hlaut Lára Gunnarsdóttir fyrir handgerða smáfugla úr birki. Lára er ein af okkar fremstu listhandverksmönnum og hefur starfað í mörg ár. Hún er með mjög skemmtilegan og persónulegan stíl og vinnur eingöngu úr tré og þá oftast úr íslensku birki. Auk verðlaunanna var veitt ein viðurkenning en hana hlaut Ólöf Erla Bjarnadóttir leirlistamaður fyrir verkið „Möttulkvika“ sem er kökudiskur á fæti.
Verðlaunin eru styrkt af Samtökum iðnaðarins og var það Almar Guðmundsson framkvæmdastjóri sem afhenti verðlaunin í lok opnardags sýningarinnar.
Þeir sem valdir voru til þátttöku í sýningunni nú í nóvember gátu tilkynnt til HANDVERKS OG HÖNNUNAR nýja vöru í verðlaunasamkeppni um besta nýja hlutinn. Skilyrðin voru að hlutirnir máttu hvorki hafa verið sýnis né sölu opinberlega fyrir sýninguna í Ráðhúsinu. Um tuttugu tillögur bárust og faglega valnefnd skipuðu Edda Bergsteinsdóttir gullsmiður og Guðný Hafsteinsdóttir leirlistamaður valdi verðlaunahafa.
Verðlaunin eru kennd við Skúla Magnússon fógeta sem er frumkvöðull smáiðnaðar í Reykjavík.
Smelltu hér til að skoða myndir frá afhendingu Skúlaverðlaunanna 2014
Fjölmiðlaumfjöllun
