Styrkir

Norræna menningargáttin

Norræna menningargáttin er opinber norræn menningarstofnun. Stofnunin sér um þrjár norrænar styrkjaáætlanir, rekur menningarsetur og bókasafn í miðbæ Helsinki og heldur menningarviðburði. Starfsemi okkar skapar rými og býr til fjárhagslegt og stafrænt svigrúm fyrir norræna menningu. Norræna menningargáttin heyrir undir Norrænu ráðherranefndina. Nánar

 

Norræni menningarsjóðurinn

Norden nordisk kulturfund styrkir ýmsa menningarstarfsemi.

Nánari upplýsingar hjá Norræna menningarsjóðnum.

 

Norrænt samstarf

Nýsköpunarmiðstöð Íslands heldur utan um átaksverkefni um markvissa upplýsingamiðlun um fjármögnunarleiðir innan norræns samstarfs. Markmiðið er að upplýsa og auka möguleika íslenskra fyrirtækja, stofnana, félagasamtaka og einstaklinga að sækja í samnorrænt styrkfé. Frumkvæði að verkefninu og fjármögnun þess kemur frá Norrænu ráðherranefndinni. Nánar...

 

Grænlandssjóður

Hlutverk Grænlandssjóðs er að stuðla að nánari samskiptum Íslendinga og Grænlendinga og veitir sjóðurinn styrki til kynnisferða, námsdvalar, listsýninga, íþróttasýninga og annarra málefna á sviði lista, vísinda og tæknimála. Höfuðstóll sjóðsins, sem ríkissjóður lagði til á árunum 1981 og 1982, er í vörslu Seðlabanka Íslands og er árlegri ávöxtun hans varið til styrkveitinga.

Umsóknum óskast beint til stjórnar Grænlandssjóðs.

Nánari upplýsingar má finna á vef Mennta-og menningarmálaráðuneytisins 

 

Menningarsjóður Íslands og Finnlands

Markmið sjóðsins er að efla menningartengsl milli Finnlands og Íslands. Sjóðurinn veitir ferðastyrki og aðrir styrki, fyrst og fremst til einstaklinga, en í einstaka tilvikum einnig til samtaka eða stofnanna. Árleg fjárhæð sem úthlutað er, er um það bil 25.000 ? Um 25 styrkir eru veittir árlega. Þeir geta verið mismunandi háir frá 500 upp í 2000 ? Umsóknarfrestur er 28. febrúar ár hvert. Umsóknum skal skila á sérstöku eyðublaði sem nálgast má hjá ritara sjóðsins.

Heimasíða: www.hanaholmen.fi

 

Sænsk-íslenski samstarfssjóðurinn

Sænsk-íslenski samstarfssjóðurinn var stofnsettur árið 1995 af ríkisstjórnum Svíþjóðar og Íslands. Hlutverk sjóðsins er að efla sænsk-íslenskt samstarfs, gagnkvæm menningarskipti og upplýsingamiðlun um sænska og íslenska menningu og samfélag. Þetta er gert með því að veita styrki og stuðning við verkefni einstaklinga og samtaka á Íslandi og í Svíþjóð. Sjóðurinn styrkir fyrst og fremst verkefni sem tengjast menningu, menntun og rannsóknum, en getur einnig styrkt önnur verkefni sem miða að því að auka þekkingu eða tengsl milli landanna. Umsóknarfrestur: 1. febrúar Upplýsingar um sjóðinn og umsóknareyðublöð fást á skrifstofu sjóðsins.

Heimasíða: www.norden.se/island.asp

 

Sjóður fyrir danskt-íslenskt samstarf

Í starfsreglum sjóðsins segir að hann skuli stuðla að skilningi og samstarfi milli Danmerkur og Íslands á menningarsviðinu og öðrum sviðum. Styrkir eru meðal annars veittir til starfs- og námsdvalar í Danmörku eða á Íslandi, til faglegrar menntunar, til leikhópa, listsýninga og annars sem miðar að því að vekja áhuga Íslendinga á Danmörku og Dana á Íslandi. Árlegt fjármagn til ráðstöfunar, eru vextir af höfuðstól sjóðsins um 300.000 danskar krónur. Flestir styrkir eru um 5.000 – 20.000 danskar krónur, en stærri styrkir eru einnig veittir til einstakra verkefna. Umsóknir eru metnar tvisvar á ári á stjórnarfundum í maí og nóvember. Umsóknarfrestir: 15. apríl og 15. október.

Heimasíða: www.fdis.dk

 

Ferðastyrkir til félagasamtaka á Íslandi, Grænlandi og í Færeyjum. Norræna ráðherranefndin hefur ákveðið veita ferðastyrki til frjálsra félagasamtaka á Íslandi, Grænlandi og í Færeyjum.  

Styrkurinn er veittur til fulltrúa frjálsra félagasamtaka sem þurfa að sækja samnorrænar ráðstefnur, fundi eða samkomur til Norðurlandanna. Þátttakendur þurfa að vera frá minnst þremur norrænum löndum.

Nánari upplýsingar á vef Norræna hússins. Þar má einnig finna upplýsingar um ýmsa aðra norræna og íslenska styrki til menningar- og menntamála.

Kulturkontakt Nord

 

Norræni menningarsjóðurinn - Nordisk kulturfond

Markmið sjóðsins er að stuðla að samstarfi milli minnst þriggja Norðurlanda. Starfsemi sjóðsins nær til menningar í almennum skilningi, lista, menntunar og rannsókna. Veittir eru styrkir til verkefna á sviði lista. Sjóðurinn styrkir aðallega menningarsamstarf á Norðurlöndum. Einnig eru veittir styrkir til samstarfsverkefna milli Norðurlanda og Eystrasaltsríkjanna og Norð-vestur Rússlands eða milli Norðurlandanna og annarra Evrópulanda. Þó verða alltaf að minnsta kosti þrjú norræn lönd að taka þátt.

Umsóknir á rafrænu formi um allt að 100 000 DKK er hægt að senda inn til sjóðsins allt árið um kring nema í júní, júlí og desember. Umsækjandi má vænta svars eftir 6 -10 vikur. Umsóknir á fylla út á eyðublöð sjóðsins. Geti umsækjandi, sem sækir um allt af 100 000 DKK, ekki afhent umsókn á rafrænu formi skal hann sækja um fyrir 1. febrúar eða 1. september.

Nánari upplýsingar má finna á vefnum:  http://www.nordiskkulturfond.org/

 

Listamannalaun

Listamannalaun eru veitt til listamanna til að efla listsköpun í landinu. Starfslaun fyrir sjálfstætt starfandi hönnuði, myndlistarmenn, rithöfunda, sviðslistafólk, tónlistarflytjendur og tónskáld. Tilgangur launanna er að efla listsköpun í landinu. Alþingi veitir árlega fé af fjárlögum til þess að launa listamenn í samræmi við lög [ 57/2009.]

Umsóknarfrestur er einu sinni á ári í lok september. Nánari upplýsingar hjá www.rannis.is  

 

Kynningarmiðstöð íslenskrar myndlistar

Ferðastyrkir KÍM

Kynningarmiðstöð íslenskrar myndlistar styrkir myndlistarmenn til starfa, ferða og sýningahalds erlendis. Ferðastyrkir eru veittir fyrir ferðum, gistingu og/eða uppihaldi á ferðalögum. Úthlutað er þrisvar sinnum á ári hverju.

Frekari upplýsingar og umsóknareyðublöð er að finna hér.

 

Hlaðvarpinn – menningarsjóður kvenna á Íslandi

Hlaðvarpinn, er sjóður sem stofnaður er af hluthöfum Hlaðvarpans ehf. til styrktar menningarmálum kvenna á Íslandi. Markmið sjóðsins er að styrkja menningarstarfsemi kvenna sem beinist að því að greina, efla, varpa ljósi á og breyta stöðu kvenna í íslensku samfélagi. Með menningarstarfsemi er átt við hvers kyns listir, rannsóknir og kynningu á menningu kvenna. Listir, rannsóknir og kynning á menningu kvenna nær til skrifa, sjónlista, sýninga, tónleika, útgáfu, uppákoma, kvikmyndagerðar, þáttagerðar, námskeiða, ráðstefna og hátíða sem tengjast menningarmálum sem og annað það sem fellur að markmiðum sjóðsins. Rannsóknir geta náð til einstakra þátta í menningu kvenna, menningarviðburða, einstakra verka, félaga og einstaklinga sem lagt hafa mikilvægan skerf til menningar kvenna.

Nánari upplýsingar má finna á heimasíðu Hlaðvarpans: www.hladvarpinn.is

 

Muggur

Muggur er sjóður sem Menningarmálanefnd Reykjavíkur, Samband íslenskra myndlistarmanna og Myndstef hafa stofnað og hefur Sambandi íslenskra myndlistarmanna verið falið að annast umsýslu hans. Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis. Með þeim hætti er sjóðnum ætlað að efla myndlistarstarf í Reykjavík og styrkja ímynd Reykjavíkurborgar sem framsækinnar menningarborgar á heimsvísu. Stofnun sjóðsins er liður í því að gera Reykjavíkurborg að vettvangi alþjóðlegra listastrauma. Auglýst er eftir umsóknum til dvalar erlendis vegna: 

  • myndlistarsýningar
  • vinnustofudvalar / þátttöku í verkstæði
  • annars myndlistarverkefnis

Sjá nánar á heimasíðu SÍM

 

Smáverkefnasjóður landbúnaðarins

Smáverkefnasjóður landbúnaðarins (www.bondi.is ) er nokkurs konar undirdeild í Framleiðnisjóði og hefur veitt styrki til margháttaðra verkefna sem meðal annars snerta handverk o.fl.

Nánari upplýsingar: www.bondi.is  

 

Uppbyggingarsjóður Austurlands

Uppbyggingarsjóður Austurlands er samkeppnissjóður. Sjóðurinn hefur það hlutverk að styrkja menningar- og nýsköpunarverkefni, auk annarra verkefna sem falla að sóknaráætlun landshlutans. 

Nánari upplýsingar: www.austurbru.is

 

Uppbyggingarsjóður Vestfjarða

Uppbyggingarsjóður Vestfjarða er samkeppnissjóður sem veitir styrki til menningarverkefna, atvinnu- og nýsköpunarverkefna og stofn- og rekstrarstyrki til menningarstofnana.

Nánari upplýsingar: www.vestfirdir.is/uppbyggingarsjodur

 

Uppbyggingarsjóður Vesturlands

Sjóðurinn veitir styrki í eftirfarandi verkefni:

  • Verkefnastyrkir á sviði menningar (úthlutað einu sinni á ári)
  • Stofn- og rekstrarstyrkir menningarmála (úthlutað einu sinni á ári)
  • Styrkir til atvinnuþróunar og nýsköpunar (úthlutað tvisvar á ári)

Nánari upplýsingar varðandi umsóknir um menningartengd verkefni ásamt framvindu- og lokaskýrslum vegna þeirra veitir Elísabet Haraldsdóttir í síma 433-2313 eða 892-5290

Sjá: www.ssv.is

 

Nýsköpunarsjóður atvinnulífsins

Nýsköpunarsjóður atvinnulífsins er áhættufjárfestir sem tekur virkan þátt í þróun og vexti atvinnulífsins með því að fjárfesta í vænlegum nýsköpunar- og sprotafyrirtækjum.

Nánari upplýsingar: Nýsköpunarsjóður atvinnulífsins  www.nsa.is

 

Nýsköpunarsjóður námsmanna

Nýsköpunarsjóður námsmanna var stofnaður árið 1992 til að útvega áhugasömum nemendum sumarvinnu við metnaðarfull og krefjandi rannsóknarverkefni.

Nánar um nýsköpunarsjóð námsmanna og fleiri sjóði má sjá á www.rannis.is

 

Byggðastofnun

Byggðastofnun veitir styrki til nýsköpunar í atvinnulífi á landsbyggðinni. Þar má m.a. nefna vöruþróun og markaðssetningu, könnun á nýjum atvinnukostum, afþreyingu í ferðaþjónustu, útflutningsverkefni og fleira af því tagi sem kallað hefur verið mjúkar fjárfestingar.

Meginreglan hefur verið sú að styrkja ekki fjárfestingar í húsnæði og vélum í hefðbundnum atvinnugreinum.

Byggðastofnun:  www.byggdastofnun.is          

 

Nýsköpunarmiðstöð Íslands

Hlutverk Nýsköpunarmiðstöðvar Íslands er að hvetja til nýsköpunar og efla framgang nýrra hugmynda í íslensku atvinnulífi. Nýsköpun er forsenda fyrir fjölbreytni íslensks atvinnulífs og undirstaða sterkrar samkeppnisstöðu þess.

Á heimasíðu Nýsköpunarmiðstöðvar er að finna yfirlit yfir fjölmarga styrki og stuðningsmöguleika sem í boði eru.

Átak til atvinnusköpunar

Átak til atvinnusköpunar er styrkáætlun atvinnuvega- og nýsköpunarráðuneytisins fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja. Nýsköpunarmiðstöð Íslands hefur umsjón með umsóknarferlinu fyrir hönd atvinnuvega- og nýsköpunarráðuneytisins.

 

Atvinnumál kvenna

Síðan 1991 hefur styrkjum til atvinnumála kvenna verið úthlutað frá Félags- og tryggingamálaráðuneyti. Í ár verða 30 milljónir til úthlutunar til fjölbreyttra verkefna.

Sjá: www.atvinnumalkvenna.is

 

Sjóður Clöru Lachmann

www.claralachmann.org

 

Haystack listastyrkur

Haystack Mountain School of Crafts heldur á hverju sumri námskeið fyrir listafólk hvaðanæva að úr heiminum.

Til að sækja um Haystack listastyrkinn þarf að leggja inn eftirfarandi gögn:

  1. Útfyllta umsókn á ensku.
  2. Prófskírteini úr því námi sem að umsækjandi hefur lagt stund á.
  3. Meðmælabréf í lokuðu umslagi.
  4. Sýnishorn af verkum umsækjanda, t.d. ljósmyndir.

Umsóknin er hér: Haystack-umsókn

Styrkurinn er kynntur á heimasíðu Íslensk - ameríska félagins www.iceam.is

 

European Cultural Found

Ýmsir styrkir sjá heimasíðuna www.eurocult.org

 

Ferðastyrkur ECF

www.eurocult.org/grants/step-beyond-travel-grants

 

Samfélagssjóðir

 

Sjóvá

Sjóvá veitir árlega styrki til aðila sem vinna að ýmsum góðum málefnum í þágu samfélagsins.

Megináhersla er lögð á að styrkja verkefni sem hafa forvarnagildi og fer um helmingur styrktarfjárins til slíkra verkefna. Auk þess styrkir félagið ýmis góðgerðamál, íþrótta- og menningarstarf.

Sjá nánar á heimasíðu Sjóvá

Landsbankinn

Landsbankinn styrkir ýmis málefni á hverju ári. Hér eru nánari upplýsingar

 

Valitor

Samfélagssjóður Valitor hefur starfað óslitið frá árinu 1992.  Þegar sjóðurinn var stofnaður hét félagið  Greiðslumiðlun – Visa Ísland og bar sjóðurinn nafnið Menningarsjóður Visa. Við vorúthlutun sjóðsins í maí 2011 var nafni hans breytt í Samfélagssjóð Valitor til samræmis við nafn félagsins og til að endurspegla tilgang hans. Hlutverk sjóðsins er að styðja margvísleg menningar-, líknar- og samfélagsmál.

Umsóknarfrestur í sjóðinn er til 1. apríl og 1. október ár hvert.

Umsóknum skal fylgja glögg og greinargóð lýsing á markmiði eða viðfangsefni, þó ekki meira en ein vélrituð síða að lengd. Prófskírteini, umsagnir eða önnur gögn eru frábeðin.

Nánari upplýsingar má finna hér.

 

Skeljungur

Skeljungur veitir styrki til samfélagslegra málefna á hverju ári. Innsendar styrkbeiðnir eru teknar fyrir mánaðarlega og svör gefin um hvort styrkur verður veittur eður ei.

Nálgast má umsóknareyðublað á heimsíðu Skeljungs.

 

TM -  Tryggingarmiðstöðin

TM leggur ríka áherslu á verkefni sem tengjast forvörnum og hefur TM ekki að venju að styrkja einstaklinga, nemendur eða starfsmannafélög til náms, vegna íþrótta- og/eða utanlandsferða, kosningaherferðir nemenda og/eða stjórnmálaflokka.

Farið er yfir allar styrkbeiðnir á fundi markaðssviðs í byrjun hvers mánaðar. Öllum umsóknum er svarað.

Nálgast má umsóknareyðublað á heimsíðu TM

 

VÍS

Hlut­verk VÍS er að stuðla að ör­yggi í sam­fé­lag­inu með öfl­ug­um for­vörn­um. Við val á sam­fé­lags­verk­efn­um er áhersla lögð á verk­efni sem hafa for­varn­ar­legt gildi.

Nálgast má nánari upplýsingar á heimsíðu VÍS

 

Hér er einnig gott yfirlit yfir ýmsa menningartengda sjóði um  víða veröld