ENDALAUST

Þann 30. ágúst 2018 var sýningin ENDALAUST opnuð í Duus Safnahúsum á Ljósanótt í Reykjanesbæ. Sýningin stóð til 4. nóv. 2018

ENDALAUST er sýning á verkum 20 hönnuða og handverksfólks sem eiga það sameiginlegt að vinna með endurunna hluti og hráefni sem annars færi forgörðum. Við undirbúning sýningarinnar var litið yfir víðan völl og reynt að koma saman hönnuðum sem vinna á breiðum grundvelli. Hönnuðum sem eiga það jafnframt sameiginlegt að koma inn á því stigi hringrásarinnar að þeirra hlutverk er að gjörnýta hráefni sem annars er litið á sem rusl. Breiður grundvöllur og ólíkir hönnunargripir voru þannig lykilorð sýningarstjórans Rögnu Fróða þegar hún valdi verk inn á sýninguna. 

ENDALAUST er samstarfsverkefni Listasafns Reykjanesbæjar og HANDVERKS OG HÖNNUNAR.

Í tengslum við sýninguna voru haldnar tvær vinnustofur fyrir almenning. Sýningin var jafnframt skólasýning allra grunnskóla í Reykjanesbæ haustið 2018.æi

Í tengslum við sýninguna var gerð stuttmynd um efni og endurvinnslu. Það voru þær Ragnheiður Stefánsdóttir og Margrét Katrín Guttormsdóttir (Þráðlausar) sem gerðu myndina en henni er ætlað að vekja fólk til umhugsunar um umhverfismál.

Hér er hægt að horfa á myndina

Sýningarstjóri er Ragna Fróða. 

Sýningin ENDALAUST er styrkt af Umhverfis- og auðlindaráðuneytinu.

Dags: 30.08 - 04.11 2018
Staðsetning: Duus Safnahúsin Reykjanesbæ

Umfjöllun í fjölmiðlum

Fréttablaðið 1. september 2018  

Um sýninguna

 Þann 30. ágúst 2018 var sýningin ENDALAUST opnuð í Duus Safnahúsum á Ljósanótt í Reykjanesbæ. 

Sýningin Endalaust er sýning á verkum 20 hönnuða og handverksfólks sem eiga það sameiginlegt að vinna með endurunna hluti og hráefni sem annars færi forgörðum. Við undirbúning sýningarinnar var litið yfir víðan völl og reynt að koma saman hönnuðum sem vinna á breiðum grundvelli. Hönnuðum sem eiga það jafnframt sameiginlegt að koma inn á því stigi hringrásarinnar að þeirra hlutverk er að gjörnýta hráefni sem annars er litið á sem rusl. Breiður grundvöllur og ólíkir hönnunargripir voru þannig lykilorð sýningarstjórans Rögnu Fróða þegar hún valdi verk inn á sýninguna. 

„Við lifum í miklu neyslusamfélagi. Á hverjum degi hendum við töluverðu af dóti - fötum, plasti, pappír og hverskyns rusli og afgöngum. En ef litið er á ruslið sem spennandi hráefni, væri hægt að breyta þessu úr vítahring í hringrás. Hráefnið getur orðið efniviður í nýja hluti í stað þess að vera íþyngjandi rusl. Þannig hæfist hringrás sem gæti þess vegna verið endalaus. 

Það þarf að horfa á bæði hráefnið og útkomuna sem einskonar kraftaverk sem hjálpar okkur að stíga jákvæðari skref í því sem við erum að framleiða. Við sjáum ferlið og útkomuna í nýju ljósi. Það vekur meðvitund um vistspor okkar og fleira í þeim dúr. Í raun er gjörnýting efniviðs eitthvað sem frumbyggjar hafa ávallt stundað - samanber hvernig Samar og fleiri þjóðflokkar í náinni sambúð við Móður Náttúru gjörnýta sína bráð til smæstu parta. Sóunin fór fyrst að eiga sér stað með aukinni iðnvæðingu, og kröfunni um síaukinn hraða og framlegð á hverja vinnustund. Þannig hófst þróun sem er í dag þannig að við offramleiðum á flestum sviðum og erum ómeðvituð um það rusl sem við skiljum eftir okkur á jörðinni. 

Nú er komið að okkur - hönnuðum og listafólki - að taka næsta skref í að gjörnýta það sem flokkað er sem rusl í dag. Þannig komum við því inn í hringrásina og gerum okkar til að snúa við þessari þróun.“

Endalaust er samstarfsverkefni Listasafns Reykjanesbæjar og HANDVERKS OG HÖNNUNAR.

Sýningin stendur til 4. nóvember og er opin alla daga kl. 12-17.

Í tengslum við sýninguna verða haldnar tvær vinnustofur fyrir almenning dagana 15. september og 6. október.

Sýningin er jafnframt skólasýning allra grunnskóla í Reykjanesbæ haustið 2018.

Sýnendur á sýningunni ENDALAUST:

AFTUR
Ásta Vilhelmína Guðmundsdóttir
Ásthildur Magnúsdóttir
Dögg Guðmundsdóttir
Flétta og Steinunn Eyja Halldórsdóttir
Friðbjörg Kristmundsdóttir
Guðrún Borghildur Ingvarsdóttir
Handaband
Helga Ragnhildur Mogensen
Kristín Sigfríður Garðarsdóttir og Áslaug Snorradóttir
Magna Rún
Olga Bergljót 
Ólöf Erla Bjarnadóttir
Studio Portland
Studio Trippin
Unnur Karlsdóttir - Ljósberinn
USEE STUDÍO
Vala Sigþrúðar Jónsdóttir
Ýrúrarí
Þráðlausar

Sýningarstjóri er Ragna Fróða. 

Sýningin ENDALAUST er styrkt af Umhverfis- og auðlindaráðuneytinu.