Handverk og hönnun í Ráðhúsi Reykjavíkur

HANDVERK OG HÖNNUN hélt stóra sýningu á handverki, hönnun og listiðnaði í Ráðhúsi Reykjavíkur dagana  23. til 27. nóvember 2017 Fjölbreytnin var mjög mikil á sýningunni og greinilegt að gróskan er mikil á þessu sviði. Meðal þess sem hægt var að skoða voru munir úr horni og beini, skartgripir, barnaföt, fjölbreyttir leir- og trémunir, leðurvörur, skór og fatnaður.

Þessi sýning hefur verið afar vinsæl frá upphafi en hún var fyrst haldin árið 2006 og hefur alltaf dregið að sér þúsundir gesta. Það eru listamennirnir og hönnuðirnir sjálfir sem kynna vörur sínar á sýningunni en 55 aðilar víðsvegar að af landinu voru valdir til þátttöku að þessu sinni.

Í lok fyrsta opnunardags, þann 23. nóv.  voru Skúlaverðlaunin 2017 afhent, en þau eru veitt árlega fyrir bestu nýju vöruna á sýningunni. Skúlaverðlaunin eru styrkt af Samtökum iðnaðarins. Að þessu sinni var það Erla Svava  Sigurðardóttir sem hannar undir merkinu  YARM sem hlaut verðlaunin.

 

Myndir frá sýningunni

Skúlaverðlaun 2017

 

 

Dags: 23.11 - 27.11 2017
Staðsetning: Ráðhús Reykjavíkur

Bæklingur:

Þátttakendur

amikat

Amikat - Vatnslitaprent

Skoða nánar: Amikat - Vatnslitaprent
Handbróderaðir púðar

Handbróderaðir púðar - Þórdís Jónsdóttir

Skoða nánar: Handbróderaðir púðar - Þórdís Jónsdóttir
Hanna Gréta

Hanna Gréta Pálsdóttir

Skoða nánar: Hanna Gréta Pálsdóttir
HIldur H. List-Hönnun

HILDUR H. LIST-HÖNNUN

Skoða nánar: HILDUR H. LIST-HÖNNUN
Hólmfríður Vídalín Arngríms

Hólmfríður Vídalín Arngríms

Skoða nánar: Hólmfríður Vídalín Arngríms
Kristbjörg Guðmundsdóttir

Kristbjörg Guðmundsdóttir

Skoða nánar: Kristbjörg Guðmundsdóttir
Krístín Þóra

Kristín Þóra Guðbjartsdóttir

Skoða nánar: Kristín Þóra Guðbjartsdóttir
KrÓsk

KRÓSK by Kristín Ósk

Skoða nánar: KRÓSK by Kristín Ósk
Ragna Ingimundardóttir

Ragna Ingimundardóttir

Skoða nánar: Ragna Ingimundardóttir
Tinganelli Reykjavík

Tinganelli Reykjavík

Skoða nánar: Tinganelli Reykjavík
Tíra ljómandi fylgihlutir

Tíra ljómandi fylgihlutir

Skoða nánar: Tíra ljómandi fylgihlutir
bomber factory

Ungi by The Bomber Factory

Skoða nánar: Ungi by The Bomber Factory
Vorhus by Sveinbjorg

Vorhus by Sveinbjörg

Skoða nánar: Vorhus by Sveinbjörg
Leirandi

Þórdís Sigfúsdóttir

Skoða nánar: Þórdís Sigfúsdóttir

Skúlaverðlaun 2017

YARM hlaut Skúlaverðlaunin 2017

Skúlaverðlaunin 2017 á sýningunni Handverk og hönnun í Ráðhúsi Reykjavíkur voru afhent á fyrsta opnunardegi.

Sigurður afhendir Erlu Svövu Skúlaverðlaunin 2017Skúlaverðlaunin 2017 voru afhent í lok fyrsta opnunardags sýningarinnar Handverk og hönnun í Ráðhúsi Reykjavíkur. Verðlaunin hlaut Erla Svava Sigurðardóttir en hún hannar og framleiðir undir merkinu YARM. Verðlaunin hlaut hún fyrir prjónaða kanínu fyrir börn. Kanínan er stór og prjónuð með höndunum úr mjög grófu/þykku garni sem Erla Svava spinnur og þæfir sjálf. Kanínan er hugsuð sem fallegur hlutur í barnaherbergið með mikið notagildi en hún þolir heilmikið hnoð og hnjask.

 

Að auki var veitt ein viðurkenning en hana hlaut Inga Birna Friðjónsdóttir sem hannar undir merkinu UNGI by The Bomber Factory. Hún hlaut viðurkenninguna fyrir barnajakka sem eru saumaðir úr endurunnum efnum.

Skúlaverðlaunin eru styrkt af Samtökum iðnaðarins og var það Sigurður Hannesson framkvæmdastjóri SI sem afhenti verðlaunin.

Sýningin Handverk og hönnun í Ráðhúsi Reykjavíkur var haldin dagana 23.-27. nóvember og voru þátttakendur 55 talsins. Þeir sem valdir voru til þátttöku í sýningunni gátu tilkynnt til HANDVERKS OG HÖNNUNAR nýja vöru í verðlaunasamkeppni um besta nýja hlutinn.  Skilyrðin voru að hlutirnir  máttu hvorki  hafa  verið sýnis né sölu opinberlega fyrir sýninguna í Ráðhúsinu. Tæplega tuttugu  tillögur bárust og faglega valnefnd skipuðu Ragna Fróða textíl- og fatahönnuður og Anna Þórunn Hauksdóttir vöruhönnuður.

Verðlaunin eru kennd við Skúla Magnússon fógeta sem er frumkvöðull smáiðnaðar í Reykjavík. 

Hér má sjá myndir frá verðlaunaafhendingunni

Fjölmiðlaumfjöllun

Fréttablaðið 10. nóv. 2017Morgunblaðið 19. nóv. 2017Fréttablaðið 24. nóv. 2017Mbl.is 23. nóv. 2017