Skapandi fataviðgerðarsmiðja - Ýrúrarí

Textílhönnuðurinn og listakonan Ýr Jóhannsdóttir eða Ýrúrarí býður upp á opnar smiðjur í skapandi fataviðgerðum í Hönnunarsafni Íslands.

Skapandi fataviðgerðarsmiðja í Hönnunarsafni Íslands þriðjudaginn 9. mars frá kl. 17.00 til 19.30

Nánari upplýsingar hér

Smiðjan býður upp á verkfæri, efnivið og aðstöðu fyrir útsaum, prjón, þurr þæfingu, vélsaum og ýmiskonar fræðsluefni um fataviðgerðir. Þátttakendur eru hvattir til að mæta með flíkur sem þarf að lappa upp á eða breyta. Einnig er í boði að taka að sér peysu sem þarfnast viðgerða frá fatasöfnun Rauða Krossins á Íslandi. Ef þátttakendur eru með sína eigin hugmynd að fataviðgerð er um að gera að koma með eigið garn eða efnivið fyrir viðgerðina.

Þátttakendur þurfa ekki að hafa neina reynslu af fataviðgerðum til að taka þátt. Gert er ráð fyrir því að ef börn vilja taka þátt komi þau í fylgd fullorðins. Ef spurningar vakna um þátttöku skal senda tölvupóst á yr@yrurari.com eða senda inn fyrirspurn á facebook hópinn "Peysa með öllu".
Verkefnið er hluti af lokaverkefni Ýrar úr Listkennsludeild Listaháskóla Íslands.

ath! Vegna mikils áhuga á smiðjunni er ekki lengur hægt að hafa smiðjuna jafnt opna þar sem plássið rýmir takmarkaðann fjölda. Því verða þátttakendur að skrá sig með því að senda tölvupóst á yrj1992@gmail.com
Næstu smiðjur eru:

Þriðjudaginn 9. mars kl 17-19.30
Sunnudaginn 14. mars kl 12.15-15.00

Fleiri dagsetningar auglýstar síðar.