Nú er hægt er að sækja um í Menningarnæturpottinn
Fréttir
19. júní, 2020
Menningarnótt eftir nótt
Ert þú með góða hugmynd? Komdu í pottinn!
Í ár verður Menningarnótt haldin með breyttu sniði. Hátíðin dreifist yfir 10 daga og fer fram 13.-23. ágúst. Borgarbúar geta því notið hátíðarinnar dag eftir dag, nótt eftir nótt.
Auglýst er eftir frumlegum hugmyndum til að fylla inn í nýstárlegt viðburðalandslag Menningarnætur 2020.
Veittir eru styrkir á bilinu 100.000-500.000 kr.
Listafólk, íbúar, rekstraraðilar, félagasamtök og allir áhugasamir geta sótt um styrki til að lífga upp á miðborgina á þessari þátttökuhátíð sem borgarbúar skapa og upplifa saman.
Hægt er að sækja um í Menningarnæturpottinn til 3. júlí.
Menningarnæturpotturinn er samstarfsverkefni Reykjavíkurborgar og Landsbankans sem verið hefur máttarstólpi hátíðarinnar frá upphafi.