Norrænar handverksbúðir 2020

Dagana 1.-5. júlí 2020 verða handverksbúðir fyrir ungt fólk á aldrinum 16-22 ára í Skjern í Danmörku.

Þátttaka í búðunum sjálfum kostar 55 evrur. Unnið er að útreikningi á ferðakostnaði en hver þátttakandi fær 200 evru ferðastyrk frá Nordisk kulturfond. Upplýsingar um endanlegan kostnað mun liggja fyrir fljótlega. Aðeins eru 9 pláss í boði - fyrstur kemur fyrstur fær (skráningu lýkur 13. apríl).

Þátttakendur velja eitt aðalnámskeið (og einn vara valkost) sem varir í tvo daga. Að auki eru sameiginlegar smiðjur, partýkvöld, skoðunarferð o.fl. Námskeiðin sem boðið er upp á eru eldsmíði, trérennismíði, spírala skreytingar, himmeli óróar, blúnduprjón, textíl endursköpun, fataviðgerðir. 

Fararstjóri hópsins er Ragnheiður Valgerður Sigtryggsdóttir. Hún var einnig farastjóri í samskonar ferð sumarið 2018 þegar átta ungmenni frá Íslandi tóku þátt í frábærri upplifun í Noregi. Kennari fyrir Íslands hönd er Snæfríður Jóhannsdóttir sem kennir prjón.

Skráning fer fram á netfanginu: ragnheidur.v.sigtryggsdottir@rvkskolar.is 

Finna má nánari upplýsingar um handverksbúðirnar á vef Heimilisiðnaðarskólans