- 9 stk.
- 06.12.2017
Um hönnun sína á leikfangabílunum SPORA 01 og GRETTI 01, segir Helgi: Í bílunum, sem hér eru kynntir í fyrsta sinn opinberlega, felast hugmyndir mínar um að hægt sé að smíða með venjulegum verkfærum skemmtilegt og sterkt útileikfang sem getur enst nokkrar kynslóðir barna. Við smíðina er farið eftir þar til gerðum teikningum sem leiða til fullsmíðaðs bíls, sem gaman er að smíða og síðan leika sér með úti í búaleik eða draga eftir torfærum slóðum og leysa þrautir. Bílana dregur maður hljóð og áreynslulaust á eftir sér í taumi sem gefur einstakt og ánægjulegt samband við þá, þar sem hið mikla fjöðrunar svið hjólanna og hin mjúku dekk gerir þá einstaka að draga. Undanfarin 5 ár hafa bílarnir verið þrautreyndir við allar árstíðir og hafa þeir ekkert bilað. Teikningasettið fyrir HP SPORA-01, verður fáanlegt að lokinni sýningu.