- 8 stk.
- 22.01.2018
Hús Handanna á Egilsstöðum í samvinnu við Þorpið og austfirska listhandverksmenn kynnti á sýningunni fimm endurgerðir af nytjahlutum sem tengjast Austurlandi. Um er að ræða tvo kunnuglega trékolla sem voru algeng eign á síðustu öld víða um land en í mismunandi formi og efni. Austfirsku kollarnir sem nú hafa verið endurgerðir hafa fengið nafnið Ömmukollur og Egilsstaðakollur. Ömmukollurinn er smíðaður eftir fyrirmynd í eigu Sveinbjargar Hrólfsdóttur frá Reynihaga í Skriðdal og er þessi útgáfa sá kollur sem verður framleiddur og markaðssettur til að skapa nýjar minningar hjá ömmum nútímans. Egilsstaðakollurinn var framleiddur frá 1954 á trésmíðaverkstæði Kaupfélags Héraðsbúa en var einnig árum samanskyldustykki í trésmíðum í Alþýðuskólanum á Eiðum. Egilsstaðakollurinn hefur nú verið endurgerður úr Hallormsstaðalerki. Það er Sigurður Ólafsson á Aðalbóli í Hrafnkelsdal sem framleiðir kollana ísamvinnu við Epal. Eik á Miðhúsum hefur síðastliðin ár framleitt endurgerð af gamla góða spýtujólatrénu og einnig endurgerð af silfurhring frá víkingaöld sem fannst við Þórarinsstaði við Seyðisfjörð árið 1999. Möðrudalssnaginn er einnig með í för til höfuðborgarinnar en snaginn er endurgerð eftir snögum sem Jón Stefánsson frá Möðrudal smíðaði gjarnan úr þeim efnivið sem var aðgengilegur á Fjöllum. Afkomandi hans Hulda Eðvaldsdóttir nýtti sér sköpunargleði langafa síns og notaði snagann sem innblástur í hönnun á Gibba gibb snögum sínum. Sýningin stóð frá 3. nóv. til 3. des. 2012
