HULDUORKA II - Gunnhildur Þórðardóttir

Á sýningunni eru skúlptúrar, málverk og innsetning sem fjalla um kenningu Einsteins um heimsfastann. Efniviðurinn er að miklu leyti efni sem hefur tilfallið eða endurvinnsla enda vinnur listamaðurinn að miklu leyti undir áhrifum sjálfbærrar listar þ.e. sustainable art. Þessi örsýning var áður til sýnis á Ljósanótt 2009 og var þá þriðja einkasýning Gunnhildar á Íslandi en áður hefur hún sýnt í sal Íslenskrar Grafíkur, í Hafnarhúsinu og í Suðsuðvestur og tekið þátt í fjölda samsýninga bæði á Íslandi og erlendis. Gunnhildur er meðlimur í listadúóinu Lúka Art & Design ásamt systur sinni, Brynhildi og hefur unnið lengi fyrir félagið Íslenska Grafík auk þess að vera virkur meðlimur í SÍM. Sýningin stóð frá 21. jan til 15. feb. 2011.