Handbróderaðir púðar - Þórdís Jónsdóttir

Þann 17. apríl 2008 var opnuð Á skörinni hjá HANDVERKI OG HÖNNUN sýning Þórdísar Jónsdóttur.

Handbróderaðir púðar Þórdísar Jónsdóttur endurspegla tímaleysi og yfirvegun. Í hverjum púða liggja margar vinnustundir þar sem hugur og hönd hafa unnið mikið verk. Þórdís hefur saumað og bróderað frá blautu barnsbeini og lærði það af móðurömmu sinni, Signýju Stefánsdóttir.

Útsaumur hennar er sjálfsprottinn, hún þræðir nál með litfögru garni og stingur fyrsta sporið. Þar með hefst dansinn sem Þórdís og nálin stíga saman um leið og hún gerir gamla handverkshefð að sinni.