Sýningarstjórar: Valdimar T. Hafstein, þjóðfræðingur og Brynhildur Pálsdóttir, hönnuður.
Grafísk hönnun: Ármann Agnarsson og Helgi Páll.
Sýningin er styrkt af Safnasjóði.
Innflutningsboð hjá STUDIO ALLSBER
STUDIO ALLSBER - Hönnuðir í vinnustofudvöl í Hönnunarsafni Íslands
03. mars, 2022
Laugardaginn 5. mars í verður innflutningsboð hjá STUDIO ALLSBER og opnun á sýningunni SUND í Hönnunarsafni Íslands.
Studio allsber samanstendur af vöruhönnuðunum Agnesi Freyju Björnsdóttur, Silvíu Sif Ólafsdóttir og Sylvíu Dröfn Jónsdóttur. Samtöl fólks í sundlaugum og samband manna og fugla munu koma við sögu í hönnunarferlinu sem lýkur með uppskeruhátíð á HönnunarMars 2022.
Sýningin SUND nær yfir tímabilið frá sundvakningunni við upphaf 20. aldar til dagsins í dag. Sagan sem hún segir af sundlaugamenningu er um leið ylvolg sagan af íslensku nútímasamfélagi með léttri angan af klór og hveralykt, gufuslæðu og skvampi.