Ert þú með hugmynd að viðburði fyrir Menningarnótt?
27. júní, 2019
Ert þú með hugmynd að viðburði fyrir Menningarnótt?
Skilyrði til þátttöku er að frítt sé inn á viðburðinn, hann sé innan svæðis Menningarnætur og við hæfi hátíðarinnar. Opið er fyrir skráningar á www.mennningarnott.is - tekið á móti umsóknum út júlí.
Menningarnótt er afmælishátíð Reykjavíkurborgar og verður haldin þann 24. ágúst 2019. Menningarnótt er hátíð sem allir borgarbúar skapa og upplifa saman, úti á torgum og götum miðborgarinnar, í bakgörðum og söfnum, fyrirtækjum og ekki síst í húsunum í bænum.
Markmið Menningarnætur er að hvetja borgarbúa til þátttöku með því að beina kastljósinu að því fjölbreytta og ríkulega framboði af menningarviðburðum og kraftmikilli menningarstarfsemi sem borgin hefur upp á að bjóða. Dagskráin er gestum að kostnaðarlausu og þar með séð til þess að allir gestir geti notið kraftmikils menningarlífs og góðrar samveru.
Ertu með viðburð og langar að taka þátt? Ertu með stað en vantar áhugaverðan viðburð? Eða ertu kannski bæði með viðburð og stað? Nánari upplýsingar er hægt að nálgast hjá skrifstofu menningarmála í síma 411 6000 eða senda tölvupóst á menningarnott@reykjavik.is