Jólamarkaður í Heiðmörk

Jólamarkaðurinn í Heiðmörk er opinn allar helgar á aðventunni milli kl. 12 og 17. Í ár verður Jólamarkaðstréð prýtt jólaskrauti eftir Védísi Jónsdóttur hönnuð. Efniviðurinn í skrautið eru gamlar, skemmdar og óseljanlegar lopapeysur úr fataflokkun Rauða krossins. Skrautið verður opinberað á fyrsta opnunardegi Jólamarkaðarins laugardaginn 27. nóvember.

Dagskrá um helgina 27. og 28. nóvember:

Laugardagur:
kl. 12.00 Jólamarkaðurinn opnar. Jólamarkaðstré skreytt af Védísi Jónsdóttur opinberað.
kl. 12.30 Sönghópur úr Norðlingaskóla syngur nokkur lög.
kl. 13.00 Þórarinn Leifsson - upplestur í Rjóðri
kl. 14.00 Sigrún Eldjárn - barnastund í Rjóðri.
Sunnudagur:
kl. 13.00 Ingólfur Eiríksson - upplestur í Rjóðri.
kl. 14.00 Súsanna M Gottsveinsdóttir - barnastund í Rjóðri.

Handverksmarkaðurinn í Elliðavatnsbænum verður opinn laugardag og sunnudag kl. 12-17.
Söluaðilar fyrstu aðventuhelgina: Andrína - Boggi & Rósa - Kirkjuland - Englar & list - Fengr - Bývaxkerti - Hraundís - Charma - Sauðagull - Blóm & fiðrildi - Auður allt árið og Petra popup - SA silfur - Síld frá Djúpavogi - Félag trérennismiða.

GRÍMUSKYLDA er á markaðinum - hlökkum til jólastemmningarinnar í Heiðmörk!

Skógræktarfélag Reykjavíkur stendur fyrir fjölbreyttum viðburðum í aðdraganda jólanna þar sem notaleg jólastemning og skógrækt eru í forgrunni. Í ár verður ekki aðeins jólamarkaður við Elliðavatn og Jólaskógur á Hólmsheiði, heldur líka jólatrjáasala á Lækjartorgi.
Jólamarkaður við Elliðavatnsbæ í Heiðmörk er haldinn allar aðventuhelgar. Undanfarin ár hefur verið mikil og ljúf jólastemming á markaðnum á aðventunni og ánægjulegt að sjá að heimsókn á jólamarkaðinn hefur fest sig í sessi sem aðventuhefð hjá mörgum.
Með jólamarkaðnum vill félagið stuðla að ævintýralegri upplifun í vetrarparadísinni Heiðmörk þar sem fólk getur notið útiveru í skóginum, valið jólatré og einstakar gjafir á handverksmarkaðnum og fengið sér hressingu. Félagið selur að sjálfsögðu aðeins íslensk jólatré af ýmsum gerðum. Fyrir hvert selt tré eru 50 gróðursett. Á handverksmarkaðnum er sérstök áhersla lögð á einstakt handverk og matvæli.

Nánari upplýsingar um Jólamarkað í Heiðmörk má finna hér.