Bráðum kemur betri tíð...

Óskað eftir verkum á sýningu!

Það er mjög ánægjulegt að segja frá því að mikil og góð viðbrögð hafa komið við sýningunni Bráðum kemur betri tíð… sem haldin verður í apríl. Eins og fram kom í fyrri kynningu mega verkin vera úr hvaða hráefni sem er, eina skilyrðið er gulur litur en þemalitur sýningarinnar er gulur.

Tilkynna þarf um áhuga á þátttöku fyrir 15. mars og verkum skal skilað sem fyrst eftir það en í síðasta lagi 25. mars. Valið verður inn á sýninguna.

Sýningin verður haldin í rými HANDVERKS OG HÖNNUNAR á Eiðistorgi og mun verða opnuð föstudaginn 1. apríl.

Vinsamlegast hafið samband fyrir 15. mars á handverk@handverkoghonnun.is ef þið eigið verk eða eruð með verk í undirbúningi sem gætu passað inn í þetta gula, bjarta þema.