|
Skipulag og kynning
HANDVERK
OG HÖNNUN
í Ráðhúsi Reykjavíkur
1. – 5. nóvember 2012
HANDVERK OG HÖNNUN heldur sýningu/kynningu á handverki, hönnun og listiðnaði í Ráðhúsi Reykjavíkur í byrjun nóvember. Sýningin stendur í 5 daga og er aðgangur ókeypis.
Staður og tími:
Ráðhús Reykjavíkur 1. - 5. nóvember 2012
Opnunartími :
Fimmtudagur 1. nóv. kl. 16 - 19
Föstudagur 2. nóv. kl. 10 - 19
Laugardagur 3. nóv. kl. 10 - 18
Sunnudagur 4. nóv. kl. 10 - 18
Mánudagur 5. nóv. kl. 10 - 19
Þátttakendur:
Öllum sem vinna við handverk, listiðnað og fjölbreytta hönnun s.s. vöruhönnun, fatahönnun er heimilt að sækja um. Sérstök fagleg valnefnd leggur mat á umsóknirnar og velur þátttakendur. Mikilvægt er að sýningin/kynningin endurspegli fjölbreytt úrval og mun valnefnd hafa það í huga þegar valið er inn. Umsækjendur eru hvattir til að hafa þessa árstíð í huga þegar þeir velja listmuni/vörur til kynningar.
Umsóknir um þátttöku verða að berast sem fyrst en í síðasta lagi 8. júní 2012.
Niðurstaða valnefndar mun liggja fyrir í síðasta lagi 19. júní 2012
Það er mikilvægt að allir sem huga á þátttöku geri ráð fyrir að vera sem mest á staðnum sjálfir. Eitt af markmiðum þessarar sýningar/kynningar er að gestir hitti fólkið á bak við hlutina.
Vinsamlegast vandið útfyllingu á sérstöku umsóknareyðublaði. Umsókn verða að fylgja 6 myndir af verkum eða 6 sýnishorn (ekki fleiri og ekki færri) og ferilskrá. Mikilvægt er að öll umbeðin gögn fylgi umsókninni.
|