2. mars 2009

Ýmislegt

Styrkir

Styrkir til atvinnumála kvenna lausir til umsóknar.

Sótt er um rafrænt á heimasíðunni en að þessu sinni eru 25 milljónir til úthlutunar. 

Umsóknarfrestur er til 9. mars.

 

Sjá nánar á heimasíðunni www.atvinnumalkvenna.is

 


 

HUGMYNDAMARKAÐUR - ALLAR HEIMSINS KONUR

 

Föstudaginn 6. mars kl. 13.00 – 16.00 verður haldinn Hugmyndamarkaður í sal Leik- og menntasviðs Reykjavíkur-borgar við Fríkirkjuveg 1 - gamli Miðbæjarskólinn

Samstarfshópurinn ALLAR HEIMSINS KONUR stendur að hugmyndamarkaði þar sem kynnt verður sú þjónusta og verkefni sem verið er að vinna að til að auðvelda aðgang kvenna af erlendum uppruna og fjölskyldum þeirra að íslensku samfélagi.

Fjölmargar stofnanir og samtök kynna þjónustu sína og verkefni auk þess sem örkynningar verða haldnar. Þær standa yfir í hálftíma klukkan 13:30 og 15:00.

 

Markaðurinn er ókeypis og eru allir sem láta sig málið varða hjartanlega velkomnir. Boðið verður upp á léttar veitingar.

 


Þjóðbúningadagur í Þjóðminjasafni Íslands

Laugardaginn 7. mars verður þjóð-búningadagur í Þjóðminjasafni Íslands. Gestir eru kvattir til  að mæta á þjóðbúningi til að sýna sig og sjá aðra. Þetta er kjörið tækifæri fyrir þá sem eiga búning til að nota hann og jafnframt fyrir alla sem eru áhugasamir um íslenska þjóðbúninga að koma og sjá fjölbreytni búninganna.
Nýbúar eru sérstaklega hvattir til að mæta á þjóðbúningi síns heimalands.

Aðgangur er ókeypis fyrir alla sem mæta í safnið í þjóðbúningi.

 


Prjónakaffi í Kvennaskólanum, Blönduósi þriðjudaginn 10. mars kl. 20

 

Kompan - hannyrða- og föndurverslun á Sauðárkróki kynnir vöru sína og þjónustu.

Herdís í Kompunni mun leggja sérstaka áherslu á að kynna ýmiskonar garn fyrir hekl, prjón og útsaum, og ull í þæfingu.  Þá kynnir hún þá þjónustu sem verslunin býður upp á: námskeið, leiðbeiningar og pöntunarþjónustu.

 

Handverkshús Textílsetursins – undirbúningur er hafinn og verða ýmis námskeið í boði fyrir áhugasama. 

Tóvinnunámskeið er fyrirhugað helgina 14. – 15. mars.  Einnig verður boðið upp á prjónanámskeið, þæfingarnámskeið og námskeið í vinnu með leður og roð. 

Skráning í s. 894-9030 og textilsetur@simnet.is

 

Áhugasamt handverksfólk er hvatt til að koma í Prjónakaffið og kynna sér nánar starfsemi handverkshússins.

 

Prjónakaffið í Kvennaskólanum er í 2. viku mánaðarins – áhugasamir eru hvattir til að mæta með prjóna eða aðra handavinnu, sýna sig og sjá aðra, fræðast og njóta.   Úrval bóka og tímarita eru til útláns.

 

TEXTÍLSETUR ÍSLANDS ∙ Kvennaskólanum ∙ Árbraut 31 ∙ Blönduósi ∙  www.textilsetur.is

 


 

 

 

 

Senda á Facebook