Útskriftarsýning bakkalárnema í arkitektúr, hönnun og myndlist í LHÍ

Listaháskóli Íslands

Útskriftarsýning bakkalárnema í arkitektúr, hönnun og myndlist
Kjarvalsstöðum
5.-13. maí 2018

Sýningarstjórar:
Birta Fróðadóttir
Dorothée Maria Kirch

Hugleiðingar sýningarstjóra.

Það er vor í lofti. Útskriftarnemendur sveipa hulunni af afrakstri þriggja ára náms. Það er tími til kominn að halda ÚT Á TÚN. Eftir djúpt og persónulegt vinnuferli eru þau berskjölduð, í sýningarsal á opinberu safni.

Ótvírætt er að nemendur vinna úr umhverfi sínu, áhugasviði, reynslu og ímyndunarafli. Þau auðga heiminn með hugmyndum sínum, túlkunum og skoðunum.

Tækni, efni og manneskja eru ekki ný viðfangsefni, þvert á móti. Tími okkar mótar þau, gerir þau sérstök og nýstárleg hér og nú.

Mörg verkefni spegla samtímann. Hér er líka byggt á gömlum grunni. Við erum lokkuð til að fara dýpra og virkja öll skynfærin. Vel kunnug efni, í nýju samhengi, frá nýju sjónarhorni.

Uppskerunni fylgir óviðjafnanleg frelsistilfinning en víðáttan er í senn óræð og spennandi. Hvert á ég að fara næst? Hvað geri ég nú?

Úrskriftarverkefnin eru veganesti nemenda inn í næsta áfanga. Varðan sem mun leiða þau að næstu vörðu. Möguleikarnir eru óteljandi, allt eftir því hvernig við horfum á sjóndeildarhringinn.

Útskriftarnemendur leggja margs vísari út í óvissuna þar sem leitin heldur áfram: ÚT Á TÚN.

Hér má lesa nánar um útskriftarsýninguna