Frue Plads Marked 9.-11. ágúst

Hin árlega handverks- og hönnunarsýning Frue Plads Marked verður haldin dagana  9.-10. og 11. ágúst n.k. í Kaupmannahöfn. 

Um 130 framúrskarandi listamenn á sviði textíls, leirlistar, glers, skartgripa, grafískrar hönnunar taka þátt. Sýnendur koma alls staðar að  Danmörku og nokkrir frá öðrum löndum, þar á meðal frá Svíþjóð og Finnlandi. 

Sýningin er haldin af dönsku handverks- og hönnunarsamtökunum Danske Kunsthåndværkere og Designere og geta meðlimir þeirra samtaka tekið þátt. 

Á þessu ári fagnar sýningin 35 ára afmæli og af því tilefni mun Niko Grünfeld menningarborgarstjóri Kaupmannahafna opna sýninguna kl. 12:00 þann 9. ágúst. 

Það er ókeypis aðgangur að svæðinu og opnunartíminn er eftirfarandi:
Fimmtudagur 9/8 kl. 12-19 
Föstudagur 10/8 kl. 10-19 
Laugardagur 11/8 kl. 10-16 

Hér má lesa nánar um Frue Plads Marked og sjá kynningu á öllum þátttakendum.

Hér má sjá myndband frá Frue Plads Marked í fyrra.